Túrkistan oblysy Mańǵystaý jáne basqa da oblystarǵa qosymsha 40 vagon jem-shóp jibermek

TÚRKІSTAN. QazAqparat - Túrkistan oblysy ákimdigi «Qazaqstan temir joly» ulttyq kompanııasy qoldaýymen Mańǵystaý jáne basqa da oblystarǵa qosymsha 40 vagon jem-shóp jiberýdi qolǵa alyndy, dep habarlaıdy QazAqparat oblysy ákiminiń baspasóz qyzmetine silteme jasap.

«Qurǵaqshylyq tek batys óńirlerde ǵana emes, Túrkistan oblysynda da oryn aldy. Atap aıtqanda, Keles jáne Saryaǵash aýdandarynyń sharýalary osy máselege tap boldy. Degenmen, búgingi tańda óńirdegi jaǵdaı turaqty. Birqatar aýdan qajetti jem-jóp mólsherin 100% jınap úlgerdi», delingen habarlamada.

Túrkistan oblysynyń turǵyndary men eriktileri oblys ákimdiginiń qoldaýymen Mańǵystaý oblysynyń sharýalaryna kómek kórsetti.

Buǵan deıin «Qazaqstan temir joly kompanııasy qoldaýymen Mańǵystaý oblysyna 23 vagon shóp jóneltt.

Budan bólek, búgin Saryaǵash qalasynyń temirjol stansasynan taǵy 10 vagon mal azyǵy jóneltildi.

«Qazirgi ýaqytta jergilikti eriktiler men agrarshylar Túrkistan oblysy ákimdigi men «Qazaqstan temir joly» ulttyq kompanııasynyń qoldaýymen Mańǵystaý jáne basqa da oblystarǵa qosymsha 40 vagon jem-shóp jiberý jumystaryn júrgizýde. Kelisimderge sáıkes mal azyǵyn jetkizý jumystary tegin júrgizilmek», delingen habarlamada.

Sonymen qatar, oblys ákimdigi jáne «Qazaqstan temir joly» kompanııasy qajet bolǵan jaǵdaıda daıyndalǵan jem-shópti tasymaldaý úshin 100 vagon usynýǵa daıyn.