Túrkistan oblysy qylmys sany adam sanyna shaqqanda eń az óńir sanalady
M.Qojaev óńir ákimi Ómirzaq Shókeevpen kezdesip, óńirdegi qylmystyq ahýal men oǵan qarsy atqarylyp jatqan jumystardy talqylady.
ІІM-niń birinshi orynbasary Túrkistan oblysy ákimdiginde ornalasqan saraptama tobynyń qyzmetkerlerimen de kezdesti. Maqsat – «Іshki ister organdaryn jańǵyrtýdyń 2019-2021 jyldarǵa arnalǵan jol kartasy» aıasyndaǵy jobalardyń júzege asyrylý barysyn qadaǵalaý. Sondaı-aq vıtse-mınıstr oblys ortalyǵyndaǵy mańyzdy týrıstik nysandardy aralap, ondaǵy týrıster men turǵyndardyń qaýipsizdigi úshin ornatylǵan «SOS» batyrmalarymen jáne statsıonarlyq beketterdiń jumysymen tanysty.
Búgingi tańda QR Prezıdenti Q.Toqaevtyń tikeleı tapsyrmasymen ýchaskelik polıtsııa ınspektorlarynyń jumys aýqymy keńeıip, olardyń tehnıkalyq jabdyqtarmen qamtamasyz etilýine, joǵary deńgeıdegi jumys nátıjesin kórsetip, qylmystyń azaıýyna atsalysýy úshin barlyq jaǵdaı jasalýda. Osyǵan baılanysty polıtsııa generaly M.Qojaev Túrkistan qalalyq polıtsııa basqarmasyna qarasty №4 jáne №6 tirek pýnkterine arnaıy aıaldady. Onda ýchaskelik ınspektorlardyń qyzmet etýin baqylap, profılaktıkalyq is-sharalarǵa baılanysty tapsyrmalaryn berdi.
Oblystyq Polıtsııa departamentine kelgen birinshi vıtse-mınıstr «Jedel basqarý ortalyǵynyń» tynys-tirshiligimen tanysty. Polıtseılerdiń beınekameralarmen jumys isteýin, servıstik polıtsııa men tsıfrlandyrý boıynsha jasalyp jatqan jobalardy baqylap, óz baǵasyn berdi. Bul ortalyqta qaladaǵy barlyq beınekameralar baqylanady. Búginde respýblıka kóleminde adam sanyna shaqqanda qylmys sany eń az oblys – Túrkistan. Al óz kezeginde mundaı nátıjege qol jetkizýde JBO-nyń aıtarlyqtaı úlesi bar. ıAǵnı beınebaqylaý kameralarynyń kómegimen 2021 jyldyń 10 aıynda 75 502 quqyqbuzýshylyq, al Túrkistan qalasynda 36 483 quqyqbuzýshylyq anyqtalǵan.
«Túrkistandy barlyǵy – rýhanı astana ári týrıstik ortalyq retinde jaqsy tanıdy. Sondyqtan osyndaı qasıetti jerdiń tártip saqshylary, sizder árqashan óz jumystaryńyzǵa jaýapty bolyp, qylmysty ashýda ádildikti tý etýlerińiz qajet. Polıtsııany halyq árdaıym qorǵaýshy, janashyr retinde sezinýi kerek. Ol úshin Prezıdentimiz Q.Toqaevtyń tikeleı tapsyrmasymen jáne QR ІІM E.Turǵymbaevtyń qadaǵalap, iske asyrylýyna muryndyq bolýymen san túrli jobalar júzege asýda. Jeke quram arasynda sybaılas jemqorlyq, qylmys ne bolmasa basqalaı tártipsizdik te múlde oryn almaýy asa mańyzdy», – dep atap ótti polıtsııa generaly.