Túrkistan oblysy Kásipkerler palatasyna jańa basshy taǵaıyndaldy
Tımýr Nahypbekov 1986 jyly Ońtústik Qazaqstan oblysynda dúnıege kelgen. L.N.Gýmılev atyndaǵy Eýrazııa ulttyq ýnıversıtetinde «Halyqaralyq qatynastar» mamandyǵy boıynsha bilim alǵan. 2010 jyly Halyqaralyq gýmanıtarlyq-tehnıkalyq ýnıversıtetinde «zańgerlik» mamandyǵynda oqyǵan. Іskerlik ákimshilik magıstri.
Eńbek jolyn Ońtústik Qazaqstan oblysy boıynsha ekonomıkalyq jáne sybaılas jemqorlyq qylmysymen kúres departamentinde ınspektor retinde bastaǵan.
2009 jyldan bastap «QTJ» UK«AQ «Shymkent jol bólimshesi« fılıalynyń zań konsýltanty, zań sektory bastyǵynyń m.a. qyzmetin atqarǵan.
2013 jyly «Atameken» odaǵy» Qazaqstannyń ulttyq ekonomıkalyq palatasy fılıalynyń ákimshilik kedergiler jónindegi bas sarapshysy qyzmetinde boldy.
2013 jyldyń qarasha aıynan 2017 jylǵa deıin Ońtústik Qazaqstan oblysy kásipkerler palatasynda túrli laýazymdyq qyzmetterde eńbek etti. Eń aldymen –bas sarapshysy, odan keıin servıstik qoldaý, quqyq qorǵaý jáne ákimshilik kedergilerdi azaıtý bólimderiniń basshysy, dırektordyń ekonomıkalyq máseleler jónindegi orynbasary qyzmetterin atqarǵan.
2017 jyldyń maýsym-qyrkúıek aılary aralyǵynda «Atameken» QR UKP janyndaǵy «Agrobiliktilik ortalyǵy» JShS dırektorynyń orynbasary, 2017-2018 jyldarda Ulttyq kásipkerler palatasy apparatynyń jetekshisi, «Atameken» QR UKP Basqarma tóraǵasynyń keńesshisi bolyp eńbek etken.
2018 jyldan 2020 jyl aralyǵynda Aqmola oblysy kásipkerler palatasynyń dırektory laýazymynda boldy.
Al 2020 jyldyń aqpan aıynan jańa qyzmetke taǵaıyndalǵanǵa deıin UKP óńirlik damý departamentiniń basqarýshy dırektory qyzmetin atqardy.