Túrkistan oblysy qarjylandyrylǵan jobalar sany boıynsha kóshbasynda tur
Oblys ákiminiń orynbasary Meıirjan Myrzalıevtiń tóraǵalyǵymen ótken jıynda ekinshi deńgeıli bankter men «Damý» kásipkerlikti damytý qory« AQ óńirlik fılıaldarynyń basshylary «Qarapaıym zattar ekonomıkasy» jáne «Bıznestiń jol kartasy 2025» jeńildetilgen nesıe berý memlekettik baǵdarlamalaryn júzege asyrý máseleleri talqylandy.
Búginde óńirde jobalyq keńseniń úılesimdi jumysy nátıjesinde 24,4 mlrd teńgege 264 joba túrli qarjy ınstıtýttary tarapynan nesıelendirilgen. Jalpy keńse tarapynan ázirlengen pýl quramynda 51,4 mlrd teńgeni quraıtyn 478 joba bar.
Oblys ákiminiń orynbasary jıyn barysynda «Damý» kásipkerlikti damytý qory» AQ óńirlik fılıaldary men ekinshi deńgeıli bankterdiń kásipkerlik sýbektilerine qarjylyq qoldaý kórsetý aıasynda belsendilikteri tómen ekenin atap ótti. Qarjy ınstıtýttarynyń basshylaryna kásipkerlik sýbektilerin ýaqtyly qarjylandyrý boıynsha jumysty kúsheıtý jáne jandandyrý tapsyryldy. Sondaı-aq, múddeli memlekettik organdar men uıymdarǵa memlekettik baǵdarlamalardyń sharttaryna engizilgen ózgeristerdi kásipkerlik sýbektilerine ýaqtyly jetkizýde aqparattyq-túsindirý jumystaryn kúsheıtý kerektigi qamtyldy.