Túrkistan oblysy Qarabulaq aýdanyndaǵy 9 mal soıý pýnktine aıyppul salyndy
Saıram aýdany boıynsha 21 mal soıý beketi bar. Onyń ishinde Qarabulaq aýyly 11 mal soıý ornymen qamtamasyz etilgen. Olardyń kóbi zaman talabyna saı emes. Bul epızootııalyq jáne endemıologııalyq jaǵdaıdy ýshyqtyrýy múmkin.
Aýdandyq veterınarııalyq ınspektsııanyń málimetine súıensek, Qarabulaq aýdany boıynsha mal soıý oryndarynda táýligine orta eseppen 710 iri qara, 405 jylqy, 1 800 ýaq mal soıylady. Alaıda, Qarabulaq aýylynda ornalasqan mal soıý alańdarynda jyl saıyn maldyń qaldyqtary veterınarııalyq talaptarǵa sáıkes joıylyp jatqan joq.
Osy oraıda, oblys ákimi Darhan Satybaldy jumys saparymen Saıram aýdanynda bolyp, mal bordaqylaý alańdary men mal soıý beketteriniń jumystaryn retke keltirý boıynsha jumys tobyn qurý, týyndaǵan máseleni sheshý jóninde tapsyrma bergen bolatyn.
Jumys toby osy másele boıynsha birneshe zań buzýshylyqtardy anyqtap, aýmaqtyq ınspektsııa tarapynan 9 mal soıý ornyna 414 000 teńge kóleminde aıyppul salyndy. 3 mal soıý ornynyń ıeleri mal soıý beketterin eldi mekennen syrtqa shyǵarýǵa, alańdaryn óz erkimen jabýǵa kelisimderin berdi.
Atalǵan máseleni sheshý maqsatynda birqatar usynys qarastyrylyp otyr. Olar: ınsenerator peshteri arqyly mal qaldyqtaryn kádege jaratý, qaldyqtardy tastaıtyn Bekkarı shuńqyrlaryn salý, tórt túliktiń júnderi men terilerin óńdeý jáne aýyl mal qaldyqtaryn qaıta óńdeý, et óńdeý jáne kádege jaratý.
Jumys toby jeke kásipkerlermen birneshe ret jınalys ótkizdi. Nátıjesinde, jeke kásipker óz qarajaty esebinen Qarabulaq aýyldyq okrýginde ornalasqan barlyq mal soıý oryndarynan shyqqan qandy tógetin Bekkarı shuńqyryn daıyndap, odan bólek ınsenerator peshin ornalastyrý boıynsha jumys isteıtin bolyp kelisildi.