Túrkistan oblysy et eksportynan respýblıkada kósh bastap tur

NUR-SULTAN. QazAqparat - Túrkistan oblysy iri qara mal etin eksportaýdan respýblıkada 1 orynda, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Baspasóz qyzmetiniń málimetterine qaraǵanda, ótken jyldyń qorytyndysy boıynsha óńir 5,4 myń tonna múıizdi iri qara etin eksporttada. Bul degenińiz respýbıka boıynsha iri qara eti eksportynyń 74%. Sondaı-aq qoı eti eksportynyń 38% (491,1 tn.), qus etiniń 25% (2734,3 tn.) Túrkistan oblysyna tıeseli. Jyl basynan beri eki aıda 454,5 tonna sıyr eti, 84 tonna qoı eti, 400 tonna qus eti eksporttaldy.

Budan bólek, byltyr oblystan tirideı 39 myńdaı bas iri qara, 18 myń bas qoı, 664 bas jylqy eksporttalsa, 2021 jyldyń 2 aıynyń ózinde 20 myńnan astam iri qara mal, 18 myńǵa jýyq qoı, 30 bas jylqy, 15 bas túıe eksporttaldy. Aýyl sharýashylyǵy salasyndaǵy jetistikter Saryaǵash aýdanynda Túrkistan oblysynyń ákimi Ómirzaq Shókeevtiń qatysýymen ótken semınarda ortaǵa salyndy.

2011 jyly QR Úkimeti tarapynan qabyldanǵan «Іri qara mal etiniń eksporttyq áleýetin damytý» jobasy jáne osynyń aıasynda júzege asyrylyp jatqan salalyq «Sybaǵa», «Altyn asyq», «Qulan» nesıelik baǵdarlamalary óńirde mal sharýashylyǵyn damytýǵa úlken serpin berip, mal basy men ónimdilik jyldyq 6-7 %-ǵa ósim turaqty qamtamasyz etildi.

Oǵan dálel - sońǵy bes jylda mal sharýashylyǵynyń ósimi 1,7 ese ulǵaıyp 303,3 mlrd teńgeniń ónimi óndirildi.

Búgingi kúnde, oblysta 1000 bastan joǵary 22 mal bordaqylaý alańdary (syıymdylyǵy 42,7 myń bas), 400 – 1000 bas aralyǵynda 18 mal bordaqylaý alańdary (syıymdylyǵy 8,0 myń bas), 50 – 400 bastyq 82 shaǵyn mal bordaqylaý alańdary (syıymdylyǵy 9,8 myń bas) jáne 10 – 15 bastyq 10265 otbasylyq alańshalar (syıymdylyǵy 113,0 myń bas) jumys jasap jatyr. Atalǵan bordaqylaý alańdarynda 131,0 myń bas buqashyq bordaqylanýda.

Oblysta mal sharýashylyǵy ónimdiligin arttyrý úshin aýyl sharýashylyǵy janýarlaryn asyldandyrýǵa mán berilgen. Osy oraıda, qolda bar iri qara analyqtyń 38% asyl tuqymdy buqamen túrlendirilip, qatysý úlesi jóninen Respýblıkada – 2 oryn bolsa, qoıdyń 73% asyl tuqymdy qoshqarlarmen túrlendirilip, Respýblıkada – 1 orynda.

Sonymen qatar, sońǵy 3 jylda shet elderden 20 myń bas asyl tuqymdy analyq iri qara mal satyp alyndy.