Túrkistan oblysy dırektor men muǵalim qarym-qatynasynyń antıreıtınginde kósh bastap tur - mınıstr
«Túrkistan oblysynyń turǵyndarymen esep berý kezdesýin ótkizdim. Halyqty kóbine júıeli máseleler emes, jergilikti bilim berý qyzmetkerleri men atqarýshy organdardyń den qoıyp, nazar aýdarýyn qajet etetin jeke máseleler tolǵandyratynyn baıqadym. Sonymen qatar sot sheshimderiniń apellıatsııasyna jáne eńbek daýlaryna qatysty da suraqtar aıtyldy», - dep jazdy Ashat Aımaǵambetov Facebook paraqshasynda.
Mınıstr úsh saǵat boıy 500-den astam turǵynnyń saýalyna bergen.
«Oblys turǵyndarymen kezdesýde aýdandyq bólimder men oblystyq bilim basqarmalarynyń oqý-aǵartý mınıstrligine baǵynýynyń mańyzy, dırektorlardy rotatsııalaý, mektepterdegi pedagog-assıstentter sanyn kóbeıtý máselesi sóz boldy. Odan bólek, kolledjderdi beıindi mınıstrliktiń tikeleı basqarýyna berý, mektepter men balabaqshalardy jabdyqtaý úshin jergilikti bıýdjetten qarjylandyrýdyń jetispeýshiligi týraly aıtyldy», - deıdi ol.
Sondaı-aq, vedomstvo basshysy atalǵan óńirge tán basty máseleni atady.
«Kóptegen suraq oblystaǵy muǵalimder men mektep dırektorlarynyń qarym-qatynasyna qatysty boldy. Mundaı antıreıtıngte Túrkistan oblysy respýblıka boıynsha «kóshbasshy» sanalatynyn atap ótkim keledi. Bilim bólimderi men bilim berý uıymynyń basshylary osy baǵytta tıisti jumys júrgizýi qajet», - dedi A. Aımaǵambetov.
Foto: facebook.com/askhat.aimagambetov