Túrkistan oblysy boıynsha bıýdjetke 112 mlrd teńge qarjy quıyldy
Jyldyń qorytyndysymen barlyq aýdan- qalalar boıynsha kirister jospary 100%-ǵa oryndalady dep kútilýde.
Ómirzaq Shókeev apparat otyrysynda oblys bıýdjetiniń oryndalýynyń qorytyndysyn jáne salyqtyq túsimder máselesin tyńdady. Qarajattyń tıimdi ıgerilýiniń mańyzdylyǵyn eske salyp, bul máseleni qatań baqylaýdy talap etti. Óńir basshysy ákimderge bıýdjetti josparlaǵan kezde halyqtyń barlyq qajettilikterin eskerýdi jáne bul máselege jaýapkershilikpen qaraýdy júktedi.Sonymen qatar bıýdjet qarjysyn tolyq jáne tıimdi ıgerý qajettigin eskertti. Qurylys pen jóndeý jumystary belgilengen merzimde aıaqtalyp, sapaly oryndalýy tıis ekenin qadap aıtty. Otyrysta Túrkistan qalasynyń ákimi Nurbol Turashbekov shaharda boı kótergen turǵyn úılerdi qabyldap alý men satylý barysyn baıandady. Qalany abattandyrý, kógaldandyrý jáne ınfraqurylym, turǵyn úı massıvterin sarqyndy sý júıesimen qamtamasyz etý boıynsha atqarylǵan jumystardy ortaǵa saldy. Jıynda áleýmettik mańyzy bar azyq-túlik taýarlary baǵalarynyń ósýiniń aldyn alý sharalary men turaqtandyrý jumystary jaıy aıtyldy. Oblysta áleýmettik mańyzy bar 19 túrli taýardyń 16 túri óndiriledi. Tutyný normasyna sáıkes, bul ónimdermen oblys halqy tolyq qamtamasyz etiledi. Bul baǵyttaǵy jumystar turaqty baqylanyp, áleýmettik mańyzy bar azyq-túlik taýarlarynyń baǵasyn negizsiz ósirmeý boıynsha tıisti sharalar qabyldanyp jatqany sóz boldy.