Túrkistan oblysy bilim basqarmasynyń basshysynan bastap 4 qyzmetkerdiń úıine tintý júrgizildi

TÚRKІSTAN. QazAqparat - Túrkistan oblysynyń adamı áleýetti damytý basqarmasynyń laýazymdy qyzmetkerleri sybaılas jemqorlyq qylmysyna qatysy bar degen kúdikke ilindi, dep habarlaıdy QazAqparat tilshisi.

Túrkistan oblystyq sotynyń baspasóz qyzmeti taratqan málimetke súıensek, Túrkistan oblysynyń adamı áleýetti damytý basqarmasynyń 4 laýazymdy qyzmetkerine sottyń sanktsııasynsyz tintý júrgizilgen.

«J.Mahambetov, N.Nurlybaev, D.Bolathanulynyń páterine jáne N.Nurlybaev, B.Ahmetov, D.Bolathanulynyń qyzmettik kabınetine, sondaı-aq, N.Nurlybaevtyń «Nissan Almira» úlgisindegi memlekettik tirkeý nómiri 380 AA 13 avtokóligine, D.Bolathanulynyń «TOYOTO CAMRY» úlgisindegi memlekettik tirkeý nómiri 370 AA 13 avtokóligine tintý jumystary júrgizildi. Túrkistan qalasynyń mamandandyrylǵan tergeý sotynda Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentiniń tergeý sýdıasynyń sanktsııasynsyz júrgizilgen tintýdiń zańdylyǵyn tekserý týraly ótinishhat 2023 jylǵy 7 qańtarda qaralyp, zańdy dep tabylǵan» delingen aqparatta.