Túrkistan oblysy ákiminiń orynbasary kópshilikti jalǵan aqparattarǵa senbeýge shaqyrdy

TÚRKІSTAN. QazAqparat – Túrkistan oblysynda 3000 jýyq polıtsıı qyzmetkeri kúsheıtilgen rejımde jumys istep jatyr, dep habarlaıdy QazAqparat tilshisi.

Qazir Túrkistan oblysyndaǵy jaǵdaı turaqty. Degenmen, Tótenshe jaǵdaı qatań baqylaýda. Oblys shekaralarymen aýdan, qalalarǵa kire beris aýmaqta blok beketter qoıylǵan. Árbir kólik jiti tekserilıýde. Áleýmettik jeli arqyly búgin tikeleı efırge shyqqan oblys ákiminiń orynbasary Sáken Qalqamanov kópshilikti jalǵan aqparattarǵa senbeýge shyqyrdy. «Túrkistan oblysynda jaǵdaı turaqty. Tek ınternet turaqty emes. Sondyqtan, jergilikti BAQ arqyly resmı aqparat berip otyrmyz. Sondyqtan tek resmı jańalyqtarǵa nazar aýdaryńyzdar. Jalǵan aqparattar kóp taraýda, olarǵa senbeýge shaqyramyn» - dedi Sáken Qalqamanov.

Oblystaǵy árbir aımaqta tikeleı telefon jelisi iske qosylǵan. Oǵan kez kelgen turǵyn habarlasyp, jaǵdaı boıynsha habarlaı alady.