Túrkistan qalasyndaǵy shaǵyn aýdanǵa gaz berildi
Óńirde oblys ákimi Ómirzaq Shókeevtiń tapsyrmasyna sáıkes, 4 iri nysannan magıstraldy gaz qubyry tartylǵan. Oblys ortalyǵyndaǵy taǵy 3 nysannyń ishki júıeleri tolyǵymen tabıǵı gazǵa aýysty. 200-ge jýyq abonent tabıǵı gazben qamtylyp, 587 tutynýshyǵa «KazTransGaz Aımaq» AQ TÓF tarapynan tehnıkalyq shart berildi. Qalǵan turǵyn úılerdi de gazǵa qosý jumystary jalǵasýda.
Aıta keteıik, Túrkistan qalasyn gazdandyrý 11 kezeńmen júzege asyrylatyn bolady. Qazirgi tańda aýqymdy sharanyń 4 kezeńi tolyqtaı aıaqtalǵan. Aımaq basshysynyń tapsyrmasyna sáıkes aldaǵy jeltoqsan aıyna deıin oblys ortalyǵynyń teń jartysy, ıaǵnı, 20 myń abonentke gaz qosý josparlanýda. Sonymen qatar, óńirde búgingi kúnge deıin tabıǵı gazǵa zárý 78 eldimekenniń jartysynan astamyna qubyr júrgizilgen.
Bekitilgen jol kartasyna sáıkes, 39 eldimeken jyl sońyna deıin tolyqtaı kógildir otynǵa qosylatyn bolady. Ótken jyly 54 tabıǵı gaz nysanynyń qurylysyna 19,3 mlrd teńge baǵyttalyp, jyldyń qorytyndysymen 34 nysannyń qurylys-montajdaý jumystary aıaqtalǵan. Nátıjesinde, 412 eldimeken nemese 1 108, 9 myń halyq kógildir otynǵa qol jetkizgen.