«Túrkistan Arena» halyqaralyq ÝEFA kategorııasyn aldy
12:17, 11 Shilde 2022
NUR-SULTAN. QazAqparat – «Túrkistan Arenada» júrgizilgen ınspektsııa qorytyndysy boıynsha ÝEFA atalǵan stadıonǵa halyqaralyq II dáreje berý týraly sheshim shyǵardy, dep habarlaıdy QazAqparat Qazaqstan fýtbol federatsııasyna silteme jasap.
Túrkistan stadıony kelesi matchtardy qabyldaı alady:
– ÝEFA Chempıondar lıgasy, ÝEFA Eýropa lıgasy jáne ÝEFA Konferentsııa lıgasynyń 1, 2, 3 irikteý kezeńderiniń oıyndary;
– Jastar quramalary (U-21) arasyndaǵy Eýropa jáne álem chempıonattarynyń irikteý jáne fınaldyq kezeńderi;
– 17 jáne 19 jasqa deıingi jasóspirimder quramalary arasyndaǵy Eýropa jáne álem chempıonattarynyń irikteý jáne fınaldyq kezeńderi;
– Áıelder quramalary arasyndaǵy Eýropa jáne álem chempıonattarynyń irikteý jáne fınaldyq kezeńderi.