Túrkistan ákimi jergilikti BAQ jumysymen tanysty

TÚRKІSTAN.QazAqparat – Túrkistan qalasynyń ákimi Rashıd Aıýpov jergilikti buqaralyq aqparat quraldarynyń jumysymen tanysý maqsatynda «Túrkistan» gazeti men «Turan-Túrkistan» telearnasynda boldy, dep habarlaıdy QazAqparat tilshisi.

Shahar basshysy ekran arqyly qoǵamdaǵy tynys-tirshilikti kórermenderge udaıy jetkizip júrgen «Turan-Túrkistan» telearnasynyń ǵımaratyna baryp, ondaǵy ujymǵa jyly lebizin bildirdi. Birqatar qyzmetkerlerdi alǵys hattarmen marapattap, árbir qyzmetkerge tolaǵaı tabys tiledi.

Rashıd Aıýpov sondaı-aq, 90 jyldyq tarıhy bar basylymnyń qarashańyraǵyna da bardy. Túrkistannyń jylnamasyn jazyp jatqan ujymnyń qoǵam men buqara arasynda altyn kópir bolyp júrgenin atap ótti. Qaladaǵy barsha aıtýly jıyndardan habardar etip otyrǵan gazettiń aldaǵy jumysyna sáttilik tiledi. Eki tilde aqparat berip, 8 myńnan asa oqyrmanyn jańalyqtyń jarshysy etken «Túrkistan», «Týrkıston» gazetteriniń tarıhynan qulaǵdar boldy. Redaktsııaǵa kelgen zııaly qaýym ókilderiniń aqjarma tilekteri jazylǵan «Qonaqtar lebizi» kitabyna ózindik pikirin jazyp, qolyn qoıdy.

«Gazet el ómiriniń tynys-tirshiligin baǵamdap, qoǵamdyq-saıası jańalyqtardy jarııalap, elmen tyǵyz baınalanysta bolyp keledi. Búgingi tańda jýrnalısterdiń qoǵamdyq ómirdegi eńbegi men úlesin biraýyz sózben baǵalaý múmkin emes. Jańa tabystarǵa jetýde úlken múmkindikter men jetistikter tileımin», – dedi Rashıd Aıýpov.