Túrkistan: 9 mamyrǵa arnalǵan «Batyrlarǵa taǵzym» onlaın-aktsııasy ótedi

TÚRKІSTAN. QazAqparat - Bıyl «Er esimi – el esinde» («Batyrlarǵa taǵzym») jyl saıynǵy aktsııasy onlaın formatta arnaıy attas platformada ótedi. Ol qazaqstandyq batyrlar týraly barlyq aqparatty kórsetýge múmkindik beredi, dep habarlaıdy Túrkistan oblysynyń Óńirlik kommýnıkatsııalar qyzmeti.

9 mamyrǵa josparlanǵan respýblıkalyq onlaın-sherýge barlyq túrkistandyq turǵyndar qosyla alady.

Atalǵan saıtta ornalasqan derekter bazasy - soǵysqa qatysqan qazaqstandyq ardagerler men tyl eńbekkerleriniń esimin máńgi este saqtaýǵa arnalǵan elektrondy resýrs. Baza onlaın rejımde tolyqtyrylyp, «Er esimi – el esinde» aqparattyq platformasynda jınaqtalady.

Sonymen qatar, derekter bazasyn tolyqtyrýǵa árbir qoldanýshy qatysa alady. Ol úshin oqyrman maıdan dalasyna attanǵan ata-babasy týraly derekterdi batyrlargatagzym.el.kz saıtyna júktep nemese myna elektrondy poshtaǵa joldaýy qajet: [e-mail]

Joldanǵan ardagerler týraly aqparatta aty-jóni, týǵan jeri men jyly, áskerı ataǵy, soǵystaǵy erlikteri týraly tolyq málimetterin kórsetýi kerek. Sonymen qatar, fotosýreti de tirkelýi qajet.

Esterińizge sala keteıik, elimizde onlaın-aktsııa ótkizýde mundaı tájirıbe áýelden bar. 2020-2021 jyldary karantındik shekteýler kezinde atalǵan aktsııa onlaın formatta ótken bolatyn. Qala turǵyndary oǵan belsendi qatysa otyryp, platforma ıgiligin keńinen qoldandy.