Túrkimenstan «júzden júırik, myńnan tulparyn» tańdap jatyr
21:35, 13 Sáýir 2015
ASTANA. QazAqparat - Ashhabad jylqy sporty kesheninde úzdik ahalteke sáıgúligi baıqaýynyń irikteý kezeńi ótti. Oǵan Túrkimenstandaǵy bul tuqymdy jylqylardyń eń tańdaýlylary qatysty.
Baıqaýdy "Túrkimen atlary" memlekettik birlestigi uıymdastyryp jatyr.
Alǵashqy irikteý kezeńi aıasynda 50-den astam ahalteke sáıgúlikteri qaraldy. Qazylar alqasy eń úzdik 20 sáıgúlikti tańdady. Kelesi kezeńde olardyń aldynda úlken syn tur.
Baıqaýdyń sońǵy kezeńi sáýir aıynyń sońǵy jeksenbisinde, Túrkimenstanda túrkimen sáıgúligi merekesi toılanǵan kezde ótedi.