Túrkimenstan Úkimetiniń vıtse-premeri qyzmetinen bosatyldy
23:04, 21 Qyrkúıek 2013
ASTANA. 21 qyrkúıek. QazAqparat - Túrkimenstan Prezıdenti Gýrbangýly Berdymuhamedov keshe mınıstrler kabıneti tóraǵasynyń orynbasary, memleket isterin basqarý apparatynyń basshysy Hodjamuhammed Muhammedovty qyzmetinen bosatty. Bul sheshim onyń balalarynyń laıyqsyz tártibine qatysty shyǵaryldy, dep habarlady jergilikti telearnalarǵa silteme jasap RBK.
Mundaı sheshim Úkimettiń keńeıtilgen otyrysynda, Túrkimenstannyń ІІM basshysy Eskendir Mýllıkovtiń H.Muhammedovtyń eki uly men kúıeý balasy túngi klýbtar, demalys oryndary men ushaq salonynda janjal shyǵaryp, bir emes, birneshe ret tóbeleske túrtki bolǵan dep taratqan aqparatynan keıin qabyldandy.