Túrkimenstan azamaty shekaradan kóliginiń qosalqy dóńgelegine temeki jasyryp alyp ótpek bolǵan
14:55, 15 Sáýir 2016
ASTANA. QazAqparat - Shekara qyzmetiniń «Jaǵalaý kúzeti» óńirlik basqarmasyna qarasty Atyraý shekara otrıadynyń shekarashylary «Temirbaba - avto» baqylaý-ótkizý beketinde kedenshilermen birlese otyryp 29 jastaǵy Túrkimenstan azamatyn ustady. Bul týraly QR UQK ShQ baspasóz qyzmeti habarlady.
Bizdiń elimizden túrkimen jerine qaraı ketip bara jatqan azamattyń «Toıota Rýner» avtokóligin shekaralyq baqylaýdan ótkizý kezinde onyń qosalqy dóńgeleginiń ishine jasyrylǵan temeki ónimderi shyǵa keldi.
Jasyrǵany 33 qorap «IMPERIAL CLASSIC» temeki ónimderi bolyp shyqty.
Atalǵan derekke qatysty materıaldar «Temirbaba» keden beketiniń qyzmetkerlerine berildi.