Túrkimen mektepteri men JOO-larda qytaı tili ekinshi shet tili bolady

ASTANA. QazAqparat - Túrkimenstanda qytaı jáne japon tili mektepter men JOO-larda ekinshi shet tili bolady, dep habarlaıdy sheteldik BAQ.

Respýblıka astanasy Ashhabadta alty mektepte, Balkansk oblysynda bes, Lebapskte úsh jáne Ahalsk, Jashogýzsk, Maryısk oblystarynyń ár eki mektebinde jańa tildik pán oqytylatyn bolady.

Kelesi oqý jylynan bastap qytaı men japon tilderi birqatar JOO-larda tildik emes mamandyq stýdentterine mindetti pán bolady. Budan basqa, úkimet ýnıversıtet pen ınstıtýttardy japon jáne qytaı tilderi boıynsha oqytýshylyq mamandarmen qamtamasyz etý úshin stýdentter jınaýdy ulǵaıtýdy josparlaýda.

Aıta keteıik, qazirgi ýaqytta Túrkimenstan JOO-lary men mektepterinde shet tili retinde aǵylshyn, nemis nemese frantsýz tilderi oqytylady.