Túrki jazýy kúni Azııa halyqtary úshin óte mańyzdy - H. Develı

ASTANA. QazAqparat - Kúlli túrki álemi eshbir bógetsiz túsinisip-uǵysý úshin Qazaqstannyń latyn álipbıine kóshýin kútip otyr. Bul týraly búgin "Túrki jazýy kúni" halyqaralyq forýmynda Ankaradaǵy ıÝnýs Emre ınstıtýtynyń dırektory Haıatı Develı málimdedi.

"Túrki jazýy kúni Azııa halyqtary úshin óte mańyzdy, óıtkeni elderimizdiń birigýi jáne ıntegratsııalanýy úshin jan-jaqty baılanys pen qarym-qatynas qajet. Ondaı qarym-qatynas ornatý ortaq jazýymyz bolsa, ońaıyraq bolatyny sózsiz", - deıdi H. Develı.

Onyń aıtýynsha, qazir túrki áleminiń negizgi bóligi latyn álipbıin qoldanýda. "Barlyq túrki áleminiń elderinde biryńǵaı latyn álipbıi bolýy qajet. Biz soǵan umtylýdamyz. Qazir Qazaqstan men Qyrǵyzstannan basqasynyń barlyǵy osy jazýǵa ótken. Degenmen biz bilemiz, bul elderde qyzý jumys júrgizilip jatyr. Sondyqtan jaqyn bolashaqta Qazaqstan jańa latyn álipbıine kóshedi dep úmittenemiz", - dedi Haıatı Develı.