Túrki jastarynyń birligi mańyzdy - Melıke Kýzý
Onyń aıtýynsha, baýyrlas elderdiń ulttyq qundylyqtary men tarıhyn, salt-dástúrin, mádenı eskertkishterin jańǵyrtýda jastardyń ózara yntymaqtastyǵynyń mańyzdylyǵy joǵary.
«Túrki keńesiniń halyqaralyq jazǵy lageriniń ashylýyna qatysyp otyrǵanyma óte qýanyshtymyn. Túrik konsýldyǵy túrki elderi jastardyń qozǵalysyn qoldaıdy. Túrki jastarynyń birligi mańyzdy. Elder arasynda mádenı salada pikir, tájirıbe almasý mańyzdy. Maǵan Qazaqstan óte qatty unady. «EKSPO-2017» kórmesi de kóńilden shyqty. Jalpy, qazaq jastary belsendi. Olardan kóp nárseni úırenýge bolady. Sol sebepti, aldaǵy ýaqytta jastardyń basyn qosatyn osyndaı sharalardy dástúrli túrde jıi uıymdastyrylyp otyrsa jaqsy bolar edi», - dedi túrik keńesiniń múshesi Melıke Kýzý.
Eske sala keteıik, búgin Aqmola oblysynyń Zerendi aýdanynda Túrki keńesiniń halyqaralyq jazǵy lageri ashyldy . Oǵan Túrkııa, Ázerbaıjan, Qyrǵyzstan jáne Qazaqstannan jınalǵan júzge jýyq belsendi jastar qatysýda. Shara aǵymdaǵy jyldyń 10-16 shilde aralyǵyna deıin ótpek.