Túrki tildes memleketterdiń yntymaqtastyq keńesi (Túrki Keńesi) Ázirbaıjan Respýblıkasyndaǵy prezıdenttik saılaýdaǵy baqylaýshylyq mıssııasyn atqardy
Túrki Keńesiniń ortaq mıssııasy óziniń baqylaýshy is-sharalaryn Karabahtyń basyp alynbaǵan jáne basym bóligi bosqyndar bolyp tabylatyn Aǵdam aýdanynyń eldi mekenderinde júrgizdi.
Mıssııanyń quramyna Túrki Keńesi Hatshylyǵy qyzmetkerleri jáne múshe memleketter Qazaqstan, Qyrǵyzstan jáne Túrkııanyń ókilderi boldy.
Baqylaýshy mıssııa aýdanda tirkelgen 42 saılaý ýchastkeleriniń 24-inde boldy. Atap ótetin jaıt, Túrki Keńesiniń baqylaýshy mıssııasy aımaqty aralap qaıtqan jalǵyz halyqaralyq baqylaýshy mıssııa boldy.
Baqylaýshy mıssııa Aǵdam aýdanynyń basyp alynbaǵan aýmaǵyndaǵy saılaý úrdisi halyqaralyq normalarǵa sáıkes tabysty ótkenin nazar aýdarady.
Atalǵan baqylaýshy mıssııasy Túrki Keńesiniń múshe memleketterde ótken saılaýlarǵa qatysqan úshinshi sapary boldy. Túrki Keńesi Hatshylyǵy men múshelerinen quralǵan ortaq baqylaýshy delegatsııasy 2011 j. qazan aıynda Qyrǵyzstan prezıdenttik saılaýlarynda Osh qalasynda, sondaı-aq 2012 j. qańtarynda Qazaqstan parlamenttik saılaýlary sheńberinde Ońtústik Qazaqstan oblysynda baqylaýshy jumysyn atqaryp qaıtqan bolatyn.