Túrki memleketteri uıymynyń isker áıelderi Qazaqstan halqyna qoldaý bildirdi
«Qaza bolǵan barsha jandardyń otbasylary men jaqyndaryna qaıǵyra kóńil aıtamyz. Biz Qazaq eliniń jáne barsha qazaqstandyqtardyń kúsh-qýatyna senemiz jáne baýyrlas elimizdi qoldaıtynymyzdy bildiremiz», - degen úndeý joldandy.
Sonymen qatar, Babaeva hanym jeke telefon arqyly sóılesý barysynda Qazaqstan Respýblıkasy Prezıdenti janyndaǵy áıelder isteri jáne otbasylyq-demografııalyq saıasat jónindegi ulttyq komıssııa tóraıymy Lázzat Ramazanovaǵa da qoldaýyn bildirdi.
Ulttyq komıssııa basshysy áriptesine qoldaý sózderi men halqymyzǵa kóńil aıtqany úshin shynaıy alǵysyn bildirdi.
Esterińizge sala keteıik, 2021 jyldyń qarasha aıynda Ystambul qalasynda Túrki saýda-ónerkásip palatasynyń Kásipker áıelder komıtetiniń birinshi otyrysy ótken bolatyn. Qazaqstan delegatsııasyn Lázzat Ramazanova, sondaı-aq Qazaqstan Respýblıkasynyń aımaqtarynan kelgen kásipker áıelder qatysty.
Іs-shara Qazaqstan Respýblıkasynyń Prezıdenti Qasym-Jomart Toqaevtyń qatysýymen ótken Túrkitildes memleketterdiń yntymaqtastyq keńesiniń VIII sammıti aıasynda ótti.