Túrki memleketteri uıymyna múshe elder arasynda jeńildetilgen keden dálizi qurylmaq
«Ázerbaıjan, Qazaqstan, Qyrǵyzstan, Túrkııa jáne Ózbekstan Túrki memleketteri uıymyna múshe memleketter arasynda ótkiziletin taýarlar men kólik quraldaryna kedendik baqylaýdyń tıimdiligin arttyrý qajettigin tanı otyryp, ońaılatylǵan keden dáliziniń damýyn jáne onyń qaýipsizdigin qamtamasyz etý týraly ýaǵdalasty», - delingen qujatta.
Málim bolǵandaı, atalǵan jobany iske asyrý úshin respýblıkalyq bıýdjetten qarjy bólinbeıdi.
«Ońaılatylǵan keden dálizin qurý týraly kelisimge 2022 jyly 11 qarashada Samarqand qalasynda Túrki memleketteri uıymyna múshe memleket basshylary qol qoıdy. Kelisimdi ratıfıkatsııalaý kedendik baqylaý rásimderin ońaılatý jáne syrtqy ekonomıkalyq qyzmetke qatysýshylar úshin neǵurlym qolaıly jaǵdaılar jasaý nátıjesi retinde, kedendik baqylaýdyń tıimdiligin arttyrýǵa jáne merzimin qysqartýǵa, onyń qaýipsizdigin qamtamasyz etýge jáne Taraptar memleketteriniń aýmaqtary arasynda ótkiziletin taýarlar men kólik quraldaryna qatysty aqparat almasýdy damytýǵa múmkindik beredi», - dep túsindirme berilgen kelisimge.
Qujat 26 sáýirge deıin kópshili talqylaýda bolady. Keıin Úkimet usynysymen Májilistiń qaraýyna engiziledi. Sodan soń qol qoıý úshin Memleket basshysyna joldanady.