Túrki keńesine múshe memleketter sany artýy yqtımal

NUR-SULTAN. QazAqparat – Túrki tildes memlekettik yntymaqtastyǵy keńesiniń VII sammıti qarsańynda Túrki keńesi Syrtqy ister mınıstrleri keńesiniń otyrysy ótti.

Shara barysynda sóz sóılegen Qyrǵyzstan Syrtqy ister mınıstri Shyńǵy Aıdarbekov atalǵan uıymnyń keńeıetindigine úmit artatyndyǵyn aıtty, dep habarlaıdy QazAqparat tilshisi.

Sóz basynda Sh.Aıdarbekov Qyrǵyzstan tóraǵalyq etken kezeńde Ózbekstannyń Túrki keńesine qosylý týraly sheshim qabyldaǵanyna rızashylyq tanytyp, ózbek áriptesi A.Kamılovty quttyqtady. Sonymen qatar ol uıymnyń munan ary da keńeıýge múddelik tanytatyndyǵyn atap ótip, Túrikmenstannyń da Ózbekstannan úlgi alatyndyǵyna úmit artatyndyǵyn bildirdi.

«Ózbekstannyń Syrtqy isteri Kamılov myrzaǵa uıymymyzdyń tolyqqandy múshesi retinde qosh keldińiz demekpin. Bul qyrǵyz tarapynyń tóraǵalyǵy kezinde qabyldanǵan óte mańyzdy sheshim boldy», - dedi Sh.Aıdarbkov.

Qazirgi ýaqytta 2019 jyldyń 15 qazanynda Bakýde ótetin Túrki keńesiniń 7-shi sammıtinde daıyndyq júrip jatyr.

Túrki keńesi Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń bastamasymen qurylǵan bolatyn. Qazirgi tańda Ázerbaıjan, Qazaqstan, Qyrǵyzstan jáne Túrkııa Túrki keńesiniń múshe memleketteri bolyp tabylady. 2018 jyly Túrki keńesiniń 6-shy Sammıti barysynda Majarstan Túrki keńesi janynda baqylaýshy mártebege ıe boldy. 2019 jyly Ózbekstan Túrki keńesine qosylý týraly sheshim qabyldady. Uıym aıasyndaǵy túrli sharalarǵa, onyń ishinde Túrki keńesiniń sammıtine Túrkistan da qatysyp turady.

Esterińizge sala ketsek, 2018 jyldan beri Túrki tildes memlekettik yntymaqtastyǵy keńesine Qyrǵyzstan tóraǵalyq etedi.