Túrki Keńesine múshe bolatyn elder sany arta túsedi - Kúrshat Zorlý
«Onyń Túrki Keńesiniń qurmetti tóraǵasy atanýy halyqaralyq qoǵamdastyqtyń abyroıyn asyra túsedi. Jáne Keńes músheleriniń artýyna oń yqpal etedi. Elbasy túbi bir túrki eliniń baılanysyn nyǵaıtýǵa zor úles qosyp keledi ári týystas elderdiń halyqaralyq qoǵamdastyqtarmen yntymaqtastyǵynyń nyǵaıýyna úles qosty»,- deıdi saıasattanýshy-ǵalym.
Sondaı-aq Kúrshat Zorlý Túrkitildes memleketterdiń yntymaqtastyq keńesi Qazaqstannyń Tuńǵysh Prezıdenti, Elbasy Nursultan Nazarbaevtyń tikeleı bastamasymen qurylǵandyǵyn atap ótken. «Túrki Keńesi - Qazaqstannyń táýelsizdik alǵanynan keıingi 30 jyldyq kezeńinde Elbasy Nazarbaevtyń halyqaralyq jáne aımaqtyq ıntegratsııalyq jobalarynyń ishindegi eń mańyzdysy. Qazirgi tańda keńeske 4 el múshe. Nursultan Nazarbaevtyń Túrki Keńesiniń ómir boıy qurmetti tóraǵasy bolýy aldaǵy ýaqytta múshe sanynyń artýyna áser etetini anyq. Sebebi Nazarbaev álemdik deńgeıdegi qaıratker. Sonymen qatar 1992 jylnan beri Túrki tildes memleket basshylarynyń sammıtine úzdiksiz qatysyp kele jatqan memleket basshysy», - deıdi saıasattanýshy.