Túrki keńesinde qandaı qujattar qabyldandy

ShOLPAN-ATA. QazAqparat - Búgin Ystyq kóldiń jaǵasynda Túrki elderi yntymaqtastyq keńesiniń VI sammıti ótti. Alqaly jıynǵa Qazaqstan, Qyrǵyzstan, Túrkııa, Ázerbaıjan, Ózbekstan men Majarstan basshylary qatysty, dep habarlaıdy QazAqparat tilshisi.Túrki keńesiniń Bas hatshysy Baǵdat Ámireevtiń aıtýynsha, keńeske múshe memleket basshylary birlesken deklaratsııany qabyldady. Atalǵan qujatta atqarylǵan jumysqa qorytyndy jasalyp, aldaǵy maqsat-mindetter aıqyndalǵan.

«Sonymen birge, osydan úsh jyl buryn Astanada ótken sońǵy sammıtte el basshylary Túrki tildes memleketter ıntegratsııasynyń tujyrymdamasyn ázirleýdi usynǵan bolatyn. Sol qujat daıyn boldy. Búgin tujyrymdamaǵa qol qoıyldy. Bul - óte mańyzdy qujat. Sebebi, túrki tildes elderdiń yntymaqtastyǵyn damytýdy kózdeıdi», - dedi B.Ámireev Túrki keńesiniń VI sammıtinen keıin jýrnalısterge bergen suhbatynda. 

Budan bólek, búgin Túrki keńesiniń Bas hatshysy taǵaıyndaldy.

Al Majarstanǵa baqylaýshy mártebesi berildi. Ózbekstan bolsa, keńestiń músheligine ótken joq.

Keńes músheleri QR Prezıdenti Nursultan Nazarbaevtyń usynysyn da maquldady.

foto:https://kabar.kg