Túrki Keńesi Qazaqstannyń latyn álipbıine kóshý sheshimin qýanyshpen qabyl aldy

ASTANA. QazAqparat - Túrkitildes memleketterdiń yntymaqtastyq keńesi Qazaqstannyń latyn álipbıine kóshý sheshimin ystyq yqylaspen jáne qýanyshpen qabyldady. Bul týraly Túrki Keńesiniń bas hatshysy Ramıl Hasanov quttyqtaý hatynda málim etti, dep jazdy «Egemen Qazaqstan» basylymy.

Bas hatshy quttyqtaý hatynda Qazaqstan memleketi qabyldaǵan bul tarıhı sheshim túrki tilinde sóıleıtin halyqtar men elderdiń arasyndaǵy áleýmettik, mádenı jáne ekonomıkalyq qarym-qatynasty jańa deńgeıge shyǵaratyndyǵyn aıtady.

«Túrkitildes memleketterdiń yntymaqtastyq keńesi Qazaqstannyń latyn álipbıine kóshý sheshimin ystyq yqylaspen jáne qýanyshpen qabyldady. Túrki Keńesin quraýshy elderdiń biri sanalatyn Qazaqstannyń qabyldaǵan bul tarıhı sheshimi túrkitildes halyqtar men elderdiń arasyndaǵy áleýmettik, mádenı jáne ekonomıkalyq qarym-qatynasty jańa deńgeıge shyǵarady. Qazaqstan Prezıdenti Nursultan Nazarbaevtyń dana kóshbasshylyǵy men el halqynyń úlken qadamy arqyly qabyldanǵan latyn álipbıi Qazaqstannyń shartarapqa taraǵan baılanystaryn jedeldetetinine senimimiz mol».

«Osy oraıda, Qazaqstan Prezıdenti jáne Túrki áleminiń aqsaqaly qurmetti Nursultan Nazarbaevty jáne baýyrlas qazaq halqyn bul tarıhı úderistiń bastalýyna sáıkes Túrki Keńesi jáne óz atymnan shyn kóńilden quttyqtap, osy baǵytta budan da bıik tabystarǵa jete berýlerine tilektestigimdi jetkizgim keledi», dep jazylǵan quttyqtaý hatta.