Túrki keńesi Bilim mınıstrleriniń 5-shi kezdesýi Bishkekte ótti
Túrki keńesiniń Bas hatshysy Baǵdad Ámireev moderatorlyq jasaǵan kezdesýge Ázerbaıjan Respýblıkasynyń Bilim mınıstriniń orynbasary Mahabbat Valıeva, Qazaqstan Respýblıkasynyń Bilim jáne ǵylym vıtse-mınıstri Rústem Bıǵarı, Túrkııa Respýblıkasynyń Ulttyq bilim mınıstriniń orynbasary Mustafa Safran, Túrki akademııasynyń prezıdenti Darhan Qydyráli, Vengrııanyń Adam resýrstaryn basqarý mınıstrliginiń bilim jónindegi memlekettik hatshysy ıÝzef Bodıs, «Manas» qyrǵyz-túrik ýnıversıtetiniń rektory jáne Túrki ýnıversıtetter odaǵynyń burynǵy tóraǵasy Sebahattın Baldjy, Qoja Ahmet ıAssaýı atyndaǵy Halyqaralyq qazaq-túrik ýnıversıtetiniń prorektory jáne Túrki ýnıversıtetter odaǵynyń tóraǵasy Djengıs Tomar jáne basqa da joǵary laýazymdy tulǵalar qatysty.
Jıyn barysynda Bas hatshy Baǵdad Ámireev múshe memleketter arasynda bilim berý salasynda atqarylǵan jumys týraly habardar etip, aldaǵy ýaqytta atqaratyn josparlarǵa toqtaldy. Onyń aıtýynsha, Túrki keńesine múshe memleketter prezıdentteri Túrki ýnıversıtetter odaǵyna aıryqsha kóńil bólip otyr. Sholpon-Ata qalasynda ótken 6-shy sammıt barysynda memleket basshylary ulttyq zańnamalarǵa jáne halyqaralyq kelisimderge sáıkes stýdentter men oqytýshylarǵa arnalǵan Orhun almasý baǵdarlamasyn keńeıtýge baǵyttalǵan tıisti qadamdar jasaýǵa shaqyrǵan bolatyn. Osyǵan baılanysty Baǵdad Ámireev mınıstrlik kezdesý nátıjesi bilim berý salasyndaǵy yntymaqtastyq úderisine odan ári yqpal etetinine senim bildirdi.
Jıyn barasynda taraptar túrki memleketteriniń bilim salasy úshin ortaq tarıh, ortaq oqýlyqtar men almasý baǵdarlamalaryn odan ári damytý jaıyn ortaǵa saldy. Al QR Bilim jáne ǵylym vıtse-mınıstri Rústem Bıǵarı Nursultan Nazarbaevtyń «Rýhanı jańǵyrý» baǵdarlamasy, «Túrki áleminiń 100 tulǵasy» men «Túrki áleminiń kıeli jerleri» jobalary sııaqty kótergen bastamalarǵa toqtalyp, jastar arasynda Túrki áleminiń biregeı tarıhı jerlerine ólketaný ekspedıtsııalaryn uıymdastyrý arqyly ortaq sana-sezimin qalyptastyrý mańyzdy ekenin atap ótti. Ol Orhun almasý baǵdarlamasyn júzege asyrýǵa jáne 2019 jyldyń mamyr aıynda Astana qalasynda ótetin oqýshylarǵa arnalǵan 3-shi almasý baǵdarlamasyn ótkizýge daıyn ekendigin bildirdi.
Kezdesýdiń qorytyndysy boıynsha Taraptar Túrki ýnıversıtetter odaǵynyń júldesin berý týraly ereje men Baýyrlas mektepter arasynda áriptestik baǵdarlamasyn qurý týraly kelisimge qol qoıdy. Túrki ýnıversıtetter odaǵy Orhun almasý baǵdarlamasynyń erejesin bekitti.