Túrki elderiniń basshylary Bakýde kezdesedi

NUR-SULTAN. QazAqparat - Túrkitildes memleketterdiń yntymaqtastyq keńesiniń kezekti VIІ sammıti Baký qalasynda ótedi, dep habarlaıdy QazAqparat tilshisi.

Bul týraly Túrkitildes memleketterdiń yntymaqtastyǵy keńesiniń Bas hatshysy Baǵdat Ámireev elorda ótken Túrki elderiniń Іskerlik keńesinde aıtty.

«Bıyl qazan aıynda Bakýde ótetin joǵary deńgeıli kezdesýge qyzý daıyndyq júrgizýdemiz. Jıynǵa Keńeske múshe memleketterdiń basshylary qatysady. Bul kezdesý múshe elderdiń ekonomıkalyq yntymaqtastyǵyna arnalady. Taǵy bir mańyzdy jumys - Túrki ınvestıtsııalyq qorynyń qurylýy bolmaq. Bul da bıznesimiz ben koorperatsııamyzǵa kómektesýdiń mańyzdy quraly bolady. Bakýdegi kezdesýden buryn Túrki elderiniń dástúrli bıznes-forýmy ótedi», - dedi Baǵdat Ámireev.

Aıta keteıik, elordada ótip jatqan Astana ekonomıkalyq forýmy aıasynda Túrki elderi saýda-ónerkásip palatasyn qurý týraly qujat qabyldandy.