Túrki elderiniń aqyndary I. Nasımıdiń 650 jyldyǵyn toılaý úshin Oshqa jınaldy

OSh. QazAqparat - Keshe, 19 mamyr kúni Osh qalasynyń halyqaralyq áýejaıynda ázerbaıjannyń oıshyl aqyny Imameddın Nasımıdiń 650 jyldyq mereıtoıyna kelgen Túrki tildes elderdiń aqyndaryn qarsy alý saltanatty sharasy ótti, dep habarlaıdy «QazAqparat» HAA Kabar agenttigine silteme jasap.

Aqyndardy Oshtyń vıtse-meri Nurbek Qadyrov, qala ákimshiliginiń áleýmettik damý bóliminiń, Syrtqy baılanystar agenttiginiń qyzmetkerleri, mádenıet jáne óner qaıratkerleri qarsy aldy.

Mereıtoıǵa jınalǵandar arasynda «TÚRKSOI» uıymynyń Qyrǵyzstandaǵy ókili Qojageldi Kúltegin, Túrkııa, Ázerbaıjan, Makedonııa, Ózbekstan, Qazaqstan, ıAkýtııa, Bashqurtstan, Qyrǵyzstan aqyndary bar.

Oıshyldyń mereıtoıyna arnalǵan poezııa keshi Oshtyń Qyrǵyz-Ózbek ýnıversıtetinde bolady. Shara aıasynda túrki elderiniń aqyndar aıtysy ótpek.