Túrki elderinen kelgen 400-ge jýyq stýdent Túrkistanda bas qosty

TÚRKІSTAN. QazAqparat - Túrkistandaǵy Qoja Ahmet ıAsaýı atyndaǵy Halyqaralyq qazaq-túrik ýnıversıtetinde Túrki dúnıesi ýnıversıtetteri jastarynyń IV jazǵy oqý kýrsy óz jumysyn bastady, dep habarlaıdy QazAqparat tilshisi ýnıversıtettiń aqparat ortalyǵyna silteme jasap.

Jazǵy oqýdyń ashylý saltanatynda ýnıversıtet rektory Bolatbek Ábdirásilov, rektor ókili Mehmet Kýtalmysh sóz sóılep, jastarǵa sáttilik tiledi.

«Sizderdeı yntymaǵy jarasqan Túrki juraǵatynyń tatý jastary - baýyrlastyq kópirin nyǵaıtýǵa atsalysyp júrgenine qýanyshtymyn. Halyqaralyq statýsy bar ýnıversıtetimizde túrki dúnıesi stýdentteriniń bilim almasýy, dostyq qarym-qatynas ornatýy - týys elder arasynda altyn kópir bolatyn ıgi is. Aldaǵy ýaqytta, ýnıversıtetimizge akademııalyq utqyrlyq baǵdarlamasy aıasynda kelip til úırenýge jáne magıstratýra, doktorantýraǵa oqýǵa shaqyramyn. Keleshek túrki álemi birliginiń negizin salatyn sizderdeı jastary bar eldiń mártebesi men mereıi árqashan bıik» - dep, jyly lebizin arnady B. Ábdirásilov.

Ýnıversıtettiń akademııalyq utqyrlyq bóliminiń habarlaýynsha, jazǵy kýrsqa 391 stýdent kelgen. Aldaǵy 3 apta boıy Túrkııa Respýblıkasynan - 210,  Qyrǵyzstannan - 73, Ózbekstannan - 15, Qazaqstan JOO-nan kelgen - 93 stýdent bilim almasatyn bolady. Jazǵy oqý kýrsy baǵdarlamasy Túrkııa Respýblıkasy tarapynan qarjylandyrylyp otyr.

«Túrkııa Respýblıkasynan kelgen bilim alýshylar qazaq jáne orys tilinde, al Qazaqstan, Ózbekstan jáne Qyrǵyzstannan kelgen stýdentter túrik tilinde dáris alady. Kýrsta QR Prezıdentiniń «Bolashaqqa baǵdar: rýhanı jańǵyrý» baǵdarlamalyq maqalasyndaǵy «Týǵan jer» baǵdarlamasy aıasynda  semınarlar, mádenı baǵdarlamalar, tarıhı-mádenı oryndarǵa, kıeli jerlerge ekskýrsııalar uıymdastyrylady» delingen habarlamada. 

Shetelden kelgen jastardyń qurmetine oqý ornynyń ónerpaz stýdentteri merekelik kontsert uıymdastyrdy.