Túrki álemine ortaq ádebıet, geografııa jáne tarıh oqýlyǵy jazyldy

NUR-SULTAN. QazAqparat – Qazaqstanda túrkitildes halyqqa ortaq ádebıet, geografııa jáne tarıh oqýlyǵy oqytylmaq. Bul týraly Halyqaralyq túrki akademııasynyń prezıdenti Darhan Qydyráli málim etti, dep habarlaıdy QazAqparat tilshisi.

«Qazba jumysy kezinde Memleket basshysy arnaıy telefon shalyp quttyqtady. Sonymen qatar Memlekettik keńesshi de jyly lebizin joldady. Sondaı-aq, alys-jaqyn elderden baýyrlar habarlasyp, qýanyshqa ortaqtasyp jatyr. Odan bólek, taıaýda ǵana túrki álemine ortaq ádebıet, geografııa jáne tarıh oqýlyqtaryn jazyp bittik. Oǵan bizdiń mınıstrlikter qol qoıyp, bekitildi. Atalǵan oqýlyq Ázerbaıjanda qazirdiń ózinde oqytylyp jatyr. Endi Qazaqstan, Qyrǵyzstan jáne Túrkııada ol pán tolyq engiziletin bolady. Buny bizdiń akademııanyń shoqtyǵy bıik jumystarynyń biri retinde baǵalaı alamyz», - dedi Darhan Qydyráli ortalyq kommýnıkatsııalar qyzmeti alańynda ótken baspasóz máslıhatynda.

Buǵan deıin ІІ Túrik qaǵanatyn qaıta jandandyrǵan Qutlyq qaǵan tarıhı kesheniniń tabylǵanyn habarlaǵan edik.

Halyqaralyq túrki akademııasy prezıdenti Darhan Qydyráliniń aıtýynsha, atalǵan tarıhı tabys - barsha túrki álemi jáne kóshpeli jurt úshin úlken jańalyq bolyp otyr.

Foto: ortcom.kz