Túrki akademııasynda syıǵa tartylatyn kitaptardy jáne eksponattardy qabyldap alý rásimi ótti
Qazir Akademııa kitaphanasy belgili túrkitanýshy ǵalymdardyń eńbekterin jáne jeke kitap qorlaryn qabyldaý esebinen júıeli túrde tolyqtyrylyp kele jatqany belgili. Atap aıtqanda, akademıkter Ábdýáli Qaıdar, Rabıǵa Syzdyqova tapsyrǵan kitaptar men qundy qoljazbalar, professor Ábjan Quryshjanov pen tanymal majar ǵalymy Ishtvan Qońyr Mandokıdiń jeke qoldanysynda bolǵan kitaptary men qoljazba muralary Akademııanyń kózdiń qarashyǵyndaı saqtaıtyn dúnıelerine aınaldy.
Sondaı-aq, Túrki akademııasynyń kitaphanasyna Túrkııanyń burynǵy prezıdenti Abdolla Gúl myńǵa jýyq kitap syılasa, jazýshy Nemat Kelimbetov atyndaǵy qoǵamdyq qor ózi shyǵarǵan barlyq kitap ónimderin turaqty túrde Akademııa kitaphanasyna tapsyryp keledi.
Qabyldaý rásimi barysynda «Nur Otan» partııasy tóraǵasynyń birinshi orynbasary Asqar Myrzahmetovtiń bastamasymen bes jyldan beri jaryq kórip kele jatqan «Qazynaly Ońtústik» kóptomdyǵynyń tanystyrylymy ótti. Bastamashy top atalǵan kóptomdyqtyń búginge deıin jaryq kórgen barlyq tomdaryn Túrki akademııasynyń kitaphanasyna tartý etken bolatyn. Aıta ketý kerek, bul jobaǵa professor M.Myrzahmetuly ǵylymı jetekshilik etken.
Sonymen qatar, jýyrda ǵana Almaty qalasynda qabyldanyp alynǵan akademık R.Syzdyqovanyń jeke kitap jáne qundy qoljazba qory negizinde Akademııa kitaphanasynda ashylǵan Rabıǵa Syzdyqova qory tanystyryldy.
Basqosý sońynda Akademııa prezıdenti D.Q.Qydyráli kitaptar men eksponattar tapsyrǵan tulǵalarǵa alǵys aıtyp, olarǵa arnaıy sertıfıkattar tabys etti.
Aıtýly sharadan soń meımandar Akademııanyń mýzeıin aralady, dep habarlaıdy Túrki akademııasy Halyqaralyq uıymynyń baspasóz qyzmeti.