Túrki akademııasynda Ismaıl Gaspyralynyń 170 jyldyǵyna arnalǵan konferentsııa ótti

NUR-SULTAN. QazAqparat - Búgin Halyqaralyq Túrki akademııasy «Tulǵalar taǵylymy» jobasy aıasynda Túrki áleminiń kórnekti memleket jáne qoǵam qaıratkeri Ismaıl Gaspyralynyń týǵanyna 170 jyl tolýyna oraı «Tilde, pikirde, iste birlik» atty halyqaralyq konferentsııa ótkizdi.​

Onlaın formatta ótken sharaǵa Halyqaralyq Túrki akademııasynyń prezıdenti Darhan Qydyráli, Eýrazııa Ulttyq ýnıversıtetiniń prorektory Dıhan Qamzabekuly, I.Gaspyralynyń urpaǵy, zertteýshi Gúlnar Seıtvanıeva, Mıchıgan memlekettik ýnıversıtetiniń professory Tımýr Kodjaoglý, Nazarbaev ýnıversıtetiniń professory ıÝlaı Shamıloglý, Mımar Sınan ýnıversıtetiniń professory Ismaıl Týrkoglý, Ózbekstan Ǵylym akademııasy Tarıh ınstıtýtynyń bólim meńgerýshisi Kahramon Radjabov, Reseı Ǵylym akademııasy Ýfa ǵylymı ortalyǵy Tarıh, til jáne ádebıet ınstıtýnyń qyzmetkeri Ahat Salıhov, Gazı ýnıversıtetiniń professory Túmen Somýnjýogly, Baký memlekettik ýnıversıtetiniń professory Abıd Tahırlı, sonymen birge tanymal ǵalymdar men zııaly qaýym ókilderi qatysty.

Basqosýda sóz sóılegen Darhan Qydyráli Halyqaralyq Túrki akademııasy óz jumysynda I.Gaspyralynyń «Tilde, pikirde, iste birlikte» degen uranyn basshylyqqa alatynyn atap ótip, mereıli mejege arnalǵan josparlarymen bólisti.

Onlaın rejımde ótken basqosýda ǵalymdar I. Gaspyralynyń murasy men jádıdshildik jolyndaǵy qyzmetine keńinen toqtalyp, paıymdy pikirleri men oramdy oılaryn ortaǵa saldy.

Konferentsııany Eýrazııa Ulttyq ýnıverstıtetiniń prorektory Dıhan Qamzabekuly júrgizip otyrdy.