Túrki akademııasy men Elbasy kitaphanasy áriptestik baılanysty nyǵaıta túsýge ýaǵdalasty
Kezdesý barysynda taraptar yntymaqtastyqty odan ári damytý jóninde pikir almasty, dep habarlaıdy QazAqparat akademııanyń baspasóz qyzmetine silteme jasap.
Atalǵan memorandým taraptarǵa Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń túrki ıntegratsııasyn qalyptastyrýdaǵy jáne damytýdaǵy rólin zerdeleý boıynsha birlesken ǵylymı-zertteý jobalaryn júzege asyrýǵa múmkindik beredi.
Elbasy kitaphanasynyń dırektory Baqytjan Berikbaıuly Túrki akademııasy tarapynan atqarylyp jatqan jumystardy joǵary baǵalap, Akademııa basshysynyń arnaıy kelýine rızashylyǵyn bildirdi.
Óz kezeginde Túrki akademııasynyń prezıdenti Darhan Qydyráli: «Túrki keńesiniń Qurmetti Tóraǵasy bolyp sanalatyn Nursultan Nazarbaev ıdeıalaryn júzege asyrý Túrki akademııasynyń da mańyzdy maqsaty. Sondyqtan bul baǵytta Elbasy kitaphanasy bizdiń senimdi seriktesimiz bola alatyny sózsiz» dedi.
Memorandýmǵa saltanatty qol qoıý rásiminen soń Darhan Qydyráli Túrki akademııasy ár jyldarda shyǵarǵan 70 ǵylymı eńbekti Elbasy kitaphanasy qoryna syıǵa tartty.