Túrki akademııasy «Álisher Naýaı jylyn» jarııalady

NUR-SULTAN. QazAqparat - Búgin Halyqaralyq Túrki akademııasy túrki áleminiń túǵyrly tulǵasy, kemeńger oıshyl, abyz aqyn Álisher Naýaıdyń týǵanyna 580 jyl tolýyna oraı «Shyǵystyń jaryq juldyzy» atty shara ótkizdi, dep habarlaıdy QazAqparat akademııanyń saıtyna silteme jasap.

Túrik tili jyly aıasynda uıymdastyrylǵan alqaly jıynǵa Halyqaralyq Túrki akademııasynyń prezıdenti Darhan Qydyráli, Ózbekstan Respýblıkasynyń Qazaqstan Respýblıkasyndaǵy Tótenshe jáne ókiletti Elshisi Saıdıkram Nııazhodjaev, QR Parlamenti Májilisiniń depýtaty Fahrıddın Karataev, S.Seıfýllın mýzeıiniń dırektory, aqyn, aýdarmashy Nesipbek Aıtuly, Qazaqstan Jazýshylar Odaǵy Nur-Sultan qalalyq fılıalynyń dırektory Dáýletkereı Kápiuly, Álisher Naýaı atyndaǵy Tashkent ózbek tili jáne ádebıeti ýnıversıtetiniń rektory, professor, fılologııa ǵylymdarynyń doktory Shýhrat Sırojıddınov, Mıchıgan ýnıversıteti janyndaǵy Eýropa, Reseı jáne Eýrazııalyq zertteýler ortalyǵy dırektorynyń orynbasary, professor Tımýr Qojaoǵlý, Ózbekstan Respýblıkasynyń Memlekettik syılyǵynyń laýreaty, aqyn, Ózbekstan Jazýshylar odaǵynyń múshesi, halyq jazýshy Muhammed Álı, Eýrazııa Jazýshylar Odaǵynyń tóraǵasy ıAkýp Omeroglý, Baký Ulttyq ýnıversıteti ádebıet kafedrasynyń meńgerýshisi, professor Ramız Asker, Qyrǵyzstandaǵy Jalal-Abad memlekettik ýnıversıtetiniń professory, fılologııa ǵylymdarynyń doktory Ibraım Abdývalıev, Ystambýl mádenıet ýnıversıtetiniń professory Vahıt Túrk jáne túrki elderiniń belgili memleket jáne qoǵam qaıratkerleri, tanymal ǵalymdar men zııaly qaýym ókilderi qatysty.

Shara sońynda Ózbekstan Elshisi Saıdıkram Nııazhodjaev akademııa prezıdentine arnaıy qurmet kórsetti.

Aıta ketý kerek, ótken jyly Túrki akademııasy Álisher Naýaıdyń «Hamsa» toptamalaryna enetin birneshe áıgili jyrlaryn qazaq tiline aýdaryp, biregeı basylym retinde jaryqqa shyǵarǵan bolatyn. Bıyl aqyn týyndylaryn baýyrlas túrki elderi tilderine aýdaryp basý jumystary jalǵasyn tabatyn bolady.