Túrik jankúıerleri Zaınýtdınov mingen avtobýsty aýdaryp tastaı jazdady

<p>ASTANA. KAZINFORM &ndash; &nbsp;Fýtboldan Qazaqstan ulttyq quramasy kóshbasshylarynyń biri Baqtıer Zaınýtdınov óner kórsetetin túrkııalyq &laquo;Beshıktash&raquo; klýby keshe syrt alańda &laquo;Sıvasspor&raquo; komandasynan 1:0 esebimen jeńilip qaldy. Bul nátıje &laquo;Beshıktash&raquo; jankúıerleriniń ashýyna qatty tıdi. Olar kezdesý aıaqtalǵan soń fýtbolshylar mingen avtobýsqa túrli zattar laqtyrdy.&nbsp;</p>

Polıtsııa qyzmetkerleri jankúıerlerdi sabyrǵa shaqyryp, shekten shyqqandardyń qolyn burap, tezge saldy. Jankúıerler avtobýsty aýdara jazdady. Muny áleýmettik jelide taraǵan beınejazbalardan ańǵarýǵa bolady.

Chempıondyqqa basty úmitkerlerdiń biri sanalǵan «Beshıktash» sońǵy týrlarda súreńsiz oıyn órnegin kórsetip, jankúıerleriniń úmitin aqtamady. Týrnır kestesiniń sońǵy satylaryna jaıǵasqan álsiz ujymdardyń biri «Sıvasspor» komandasynan jeńilgennen soń túrkııalyq klýbtyń fanattary ashýǵa boı aldyrdy. 

Jankúıerler kezdesýdegi jalǵyz doptyń soǵylýyna Zaınýtdınovty kinálap otyr. Óıtkeni «Sıvasspor» komandasynyń fýtbolshysy shirene tepken doby jolaı Baqtıerge tıip, baǵytyn ózgertip, qaqpaǵa kirgen bolatyn. 

Aıta keteıik, buǵan deıin beıresmı aqparat quraldarynda «Beshıktash»» klýbynda oınaıtyn legıonerlerdiń jalaqysy jarııalanǵan bolatyn. Onda Qazaqstan quramasynyń oıynshysy Zaınýtdınovtiń jylyna 1,2 mıllıon eýro jalaqy alatyny kórsetilgen. 

Oralhan QOJANOV