Túrki memleketteriniń qaýip-qaterlerge qarsy birigýi óte mańyzdy - Qasym-Jomart Toqaev

<p>Astanada ótken Túrki memleketteri uıymynyń mereıtoılyq H sammıtiniń qorytyndysy boıynsha birqatar sheshim qabyldanyp, qujattarǵa qol qoıyldy, dep habarlaıdy Kazinform.</p>

«Túrki memleketteriniń qaýip-qaterlerge qarsy birigýi, ózara kómek kórsetip, tıimdi is-áreket jasaýy óte mańyzdy. Babalarymyz «Tirlik basqa bolsa da – tilek bir, barmaq basqa bolsa da – bilek bir» degen. Bizdiń Túrki yqpaldastyǵyn nyǵaıtý jolyndaǵy ortaq tabysymyz – sonyń aıqyn kórinisi. Sammıttiń qorytyndysy boıynsha birqatar sheshim qabyldanady, qujattarǵa qol qoıylady. Onyń bári Túrki álemin órkendetýge, elderimizdiń yntymaǵyn arttyrýǵa yqpal etedi. Sondaı-aq aımaqtaǵy yqpaldastyqty damytýǵa jáne uıymnyń bedelin kúsheıtýge zor úles qosady dep senemin», - dedi Memleket basshysy.

Eske salaıyq, búgin Astanada Túrki memleketteri uıymynyń H sammıti ótti. Jıynǵa Túrkııa, Ázerbaıjan, Ózbekstan, Qyrǵyzstan prezıdentteri uıymǵa múshe memleket basshylary retinde, Majarstan premer-mınıstri men Túrikmen halqynyń Ulttyq kóshbasshysy, Túrikmenstan Halyq Máslıhatynyń tóraǵasy Gýrbangýly Berdimuhamedov baqylaýshy eldiń ókili retinde qatysty.

TMU sammıti «Túrki dáýiri» uranymen ótti.