Túrki memleketteriniń biryńǵaı memlekettik ánurany jazylady

<p>ASTANA. KAZINFORM &ndash; Túrki memleketterin biriktiretin ortaq ánuran jazylyp jatyr. Túrki halyqtarynyń baı tarıhynan sýsyndaǵan bul ánuran sóz ben mýzykada olardyń qaıtalanbas mádenıetin kórsetedi. Bul týraly Túrik memleketteri óner ýnıversıtetteri odaǵynyń tóraǵasy, Ankara mýzyka jáne beıneleý óneri ýnıversıtetiniń rektory Erhan Ózden&nbsp;<a href="https://www.kibrispostasi.com/c36-TURKIYE/n540688-turk-devletleri-sanat-universiteleri-birligi-baskani-erhan-ozden-ortak-mars-calismasi-var" target="_blank" rel="noopener">málimdedi.</a></p>

Erhan Ózdenniń aıtýynsha, ánuran saltanatty sharalar úshin jazylýda jáne ol túrki halyqtaryn biriktiretin ulttyq jáne rýhanı qundylyqtardy beıneleıdi. Onyń sózi men mýzykasyn sarapshylar toby ázirlep, barlyǵyna túsinikti jáne qısyndy sózderdi tańdaıdy.

Sonymen qatar Túrki elderiniń entsıklopedııalyq sózdigin jasaý jumystary júrgizilip jatqany atap ótildi. Bul sózdik túrki halyqtary arasynda qoldanylatyn óner termınderin jınaqtap, keleshekte birtutas termınologııa jasaýǵa qyzmet etedi. Sózdik ónerdiń ár salasyna arnalǵan jeke taraýlar bolyp uıymdastyrylyp, termınderdiń shyǵý tegi men túrki halyqtarynyń mádenıetindegi qoldanysyn kórsetedi.

Sózdik 1-2 jylda, al ánuran odan erterek daıyn bolady dep kútilip otyr.