Túrki memleketteri uıymynyń kelesi sammıti Qyrǵyzstanda ótedi

<p>Túrki memleketteri uıymynyń HІ sammıti kelesi jyly Qyrǵyzstanda ótedi. Bul týraly Memleket basshysy Qasym-Jomart Toqaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Kezekti 11-shi sammıt kelesi jyly Qyrǵyzstanda ótedi. Búgin qabyldanǵan sheshimder túrki elderin odan ári damytýǵa yqpal etetindigine kámil senemin», - dedi Túrki memleketteri uıymynyń H sammıtin qorytyndylaǵan Qazaqstan Prezıdenti.

Sonymen qatar Qasym-Jomart Toqaev túrki áleminiń birligin kúsheıtýge qosqan zor úlesi úshin Ózbekstan Prezıdentine orden tapsyrdy.

«Men túrki áleminiń birligin kúsheıtýge qosqan eleýli úlesi úshin Ózbekstan Respýblıkasynyń Prezıdenti Shavkat Mırzıeevti túrki áleminiń eń joǵary ordenimen marapattaý jóninde bastama kóterdim. Meniń usynysym biraýyzdan qoldaý tapty, rızashylyǵymdy bildiremin», - dedi Memleket basshysy.