Túrki memleketteri uıymynyń H sammıti bastaldy

<p>Astanadaǵy Beıbitshilik jáne kelisim saraıynda Túrki memleketteri uıymynyń H sammıti bastaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

Jıynǵa Túrkııa, Ázerbaıjan, Ózbekstan, Qyrǵyzstan prezıdentteri uıymǵa múshe memleket basshylary retinde, Majarstan Premer-mınıstri men Túrikmenstan basshysy baqylaýshy eldiń basshylary retinde qatysady.

Mártebeli meımandardyń aldy 1 qarashada kele bastady. 

Al keshe Túrkııa prezıdenti Rejep Taııp Erdoǵan, Ázerbaıjan Prezıdenti Ilham Álıev, Qyrǵyz Respýblıkasynyń Prezıdenti Sadyr Japarov, búgin Túrikmen halqynyń ult kóshbasshysy Gýrbangýly Berdimuhamedov keldi.

TMU sammıti «Túrki dáýiri» uranymen ótedi.  

Búgin Syrtqy ister mınıstrliginde Túrki memleketteri uıymynyń syrtqy ister mıınstrleri keńesiniń jabyq otyrysy ótti.  

Sharada QR Syrtqy ister mınıstri Murat Nurtileý Izraıl-HAMAS qaqtyǵysyndaǵy Qazaqstan ustanymyn aıtty.