ASTANA. KAZINFORM — Túrki memleketteri uıymy (TMU) óz týyn ǵaryshqa jiberedi. Bul týraly uıymnyń Bas hatshysy Kýbanychbek Omýralıev Bishkekte ótken TMU-ǵa múshe elderdiń Qaýipsizdik keńesi hatshylarynyń tórtinshi kezdesýiniń qorytyndysy boıynsha jýrnalısterge málimdedi, dep jazdy Kabar agenttigi.
Onyń aıtýynsha, TMU — túrki áleminiń myńjyldyq tarıhyna, mádenıetine jáne murasyna negizdelgen biregeı uıym.
– Uıym aıasynda syrtqy saıasat, saýda, ekonomıka, aýyl sharýashylyǵy, týrızm jáne tipti ǵaryshty qamtıtyn 40-tan astam platforma quryldy. Jaqyn arada biz TMU týyn túrki áleminiń birliginiń sımvoly retinde ǵaryshqa jóneltemiz, – dedi Omýralıev.
Aıta keteıik, buǵan deıin Bishkekte Túrki memleketteri uıymyna múshe elder dinı kóshbasshylarynyń kezdesýi ótken bolatyn.
Baqytgúl Abaıqyzy
E.A. Bóketov atyndaǵy Qaraǵandy memlekettik ýnıversıtetiniń túlegi. L.N. Gýmelev atyndaǵy Eýrazııa Ulttyq Ýnıversıtetiniń magıstri. "Aqparat salasynyń úzdigi" salalyq tósbelgi ıegeri (2018 j.)