Túrik qarýly kúshteri bir aptada 63 lańkestiń kózin joıdy

<p>ASTANA. KAZINFORM &ndash; Túrkııa qarýly kúshteri sońǵy aptada Irak pen Sırııanyń soltústigindegi terrorızmge qarsy operatsııalardy qosa alǵanda 63 lańkestiń kózin joıdy, dep habarlaıdy<a href="https://www.aa.com.tr/ru/%D0%BC%D0%B8%D1%80/%D0%B2%D1%81-%D1%82%D1%83%D1%80%D1%86%D0%B8%D0%B8-%D0%B7%D0%B0-%D0%BF%D0%BE%D1%81%D0%BB%D0%B5%D0%B4%D0%BD%D1%8E%D1%8E-%D0%BD%D0%B5%D0%B4%D0%B5%D0%BB%D1%8E-%D0%BD%D0%B5%D0%B9%D1%82%D1%80%D0%B0%D0%BB%D0%B8%D0%B7%D0%BE%D0%B2%D0%B0%D0%BB%D0%B8-63-%D1%82%D0%B5%D1%80%D1%80%D0%BE%D1%80%D0%B8%D1%81%D1%82%D0%B0-/3124978" target="_blank" rel="noopener"> Anadoly</a> aqparat agenttigi.</p>

Bul týraly brıfıngte Túrkııa Ulttyq qorǵanys mınıstrliginiń baspasóz keńesshisi kontr-admıral Zekı Aqtúrik málimdedi.

Onyń aıtýynsha, túrik áskeriniń 2023 jyldyń 1 qańtarynan bastap óltirgen lańkesteriniń jalpy sany 2541-ge jetti.

Sırııada sońǵy aptada 42 lańkes óltirildi. Arab Respýblıkasynda ótken jyldyń basynan beri Túrik qarýly kúshteri 1704 terrorıstiń kózin joıdy.

Sondaı-aq, jyl basynan beri túrik shekarashylary Túrkııa shekarasyn zańsyz kesip ótpek bolǵan 686 adamdy ustady.

Buǵan deıin habarlaǵanymyzdaı, Qazaqstan ІІM qyzmetkerleri túrik áriptesterimen birlesip jyl basynan beri Túrkııada alaıaqtyq, iri urlyq jáne qarjy pıramıdasyn qurǵany úshin izdeýde bolǵan segiz qylmyskerdi ustady.