«Túrki álemi» atty jańa brendti dáripteýimiz kerek – Toqaev

<p>&laquo;Túrki álemi&raquo; atty jańa brendti dáripteýimiz kerek. Bul týraly Aqordada ótip jatqan Túrki memleketteri uıymynyń H sammıtinde Memleket basshysy Qasym-Jomart Toqaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Túrki jurty Baıkaldan Balqanǵa deıingi ulan-ǵaıyr aýmaqty jaılap jatyr. Túrki áleminiń órkenıeti Uly daladan bastaý alatyny barshaǵa málim. Osy ortaq qundylyqtarymyzdyń murageri — Túrki memleketteri uıymy. Qazaqstan Túrki memleketteri uıymyn odan ári damytýǵa múddeli. Túrki yqpaldastyǵyn tereńdetý — ortaq murat. Biz „Túrki álemi“ atty jańa brendti dáripteýimiz kerek. Sonda ǵana túrki halyqtarynyń yntymaǵy barynsha nyǵaıyp, áleýeti arta túsedi», — dedi Prezıdent.

Memleket basshysy Qazaqstan uıymǵa tóraǵa retinde ózara is-qımyldy jandandyrýǵa basa mán berip otyrǵanyn basa aıtty.

«Sondaı-aq biz túrli saladaǵy baılanysty ornyqtyrýǵa, halyqaralyq bedelimizdi kóterýge kúsh salamyz. Túrki birligin tanytý úshin bizdiń tóraǵalyǵymyz „TÚRKІ DÁÝІRІ!“, ıaǵnı „TURKTIME!“ uranymen ótedi. Osyǵan oraı, salt-dástúr (Traditions), birizdendirý (Unification), reformalar (Reforms), ǵylym (Knowledge), senim (Trust), ınvestıtsııa (Investments), medıatsııa (Mediation) jáne energııa (Energy) atty segiz máselege basymdyq beremiz. Bul basymdyqtar uıymnyń 20-shy sammıtine deıingi on jyldy qamtıtyn qysqa jáne orta merzimge arnalǵan», — dedi Qasym-Jomart Toqaev.