Týrızmdi qalpyna keltirýde Eýropa men Amerıka kósh bastap tur
2022 jyldyń alǵashqy bes aıynda 250 mıllıon sheteldik týrıst halyqaralyq shekarany kesip ótti. Ótken jyly osy aralyqta nebári 77 mıllıon adam shetelge shyqqan.
ıÝNVTO baıandamasynda sektor birtindep qalpyna kelip, pandemııaǵa deıingi deńgeıge qaıta oralyp jatqany ataldy. Ústimizdegi jyldyń alǵashqy bes aıynda álemniń barlyq aımaqtaryna keletin halyqaralyq týrıster sanynyń kúrt óskeni baıqalady.
«Týrızmdi qalpyna keltirý álemniń kóptegen elderinde, qıyndyqtarǵa qaramastan, qarqyn alýda», - dedi ıÝNVTO Bas hatshysy Zýrab Pololıkashvılı.
Alaıda ol ekonomıkalyq jáne geosaıası máseleler áli de týrızmniń damýyna áser etýi múmkin dep alańdaıdy. Eýropa 2021 jyldyń alǵashqy bes aıymen salystyrǵanda tórt ese kóp halyqaralyq týrısterdi qabyldady, kórsetkish 350%-ǵa ósti.
Buǵan aımaqishilik suranystyń kúshti bolýy jáne elder sanynyń artýy boıynsha saıahatqa barlyq shekteýlerdiń alynyp tastalýy yqpal etti.
Amerıkaǵa kelýshiler ótken jyldyń sáıkes kezeńimen salystyrǵanda eki ese ósti. Jalpy, eki aımaqqa da týrısterdiń kelýi 2019 jylǵy deńgeıden sáıkesinshe 36% jáne 40% tómen.
Týrıstik shyǵyndar men týrısterdi qabyldaýshy elderdiń kirisi de artyp keledi. Frantsııa, Germanııa, Italııa jáne Amerıka Qurama Shtattarynan kelgen týrısterdiń halyqaralyq shyǵyndary pandemııaǵa deıin jumsaǵan qarajattyń 70% jáne 85% quraıdy. Al Úndistan, Saýd Arabııasy jáne Katardan kelgen týrısterdiń shyǵyny 2019 jyldyń deńgeıinen asyp tústi.
Moldova Respýblıkasy, Serbııa, Seıshel araldary, Rýmynııa, Soltústik Makedonııa, Sent-Lıýsııa, Bosnııa jáne Gertsegovına, Albanııa, Pákistan, Sýdan, Túrkııa, Bangladesh, Salvador, Meksıka, Horvatııa jáne Portýgalııa sııaqty elderdiń halyqaralyq týrızmnen túsetin kirisi pandemııaǵa deıingi qalpyna keldi.
Foto: blog.logitravel.com