Týrızm: Túrkistanǵa sońǵy úsh jylda 281 mlrd teńge ınvestıtsııa tartylǵan

TÚRKІSTAN. QazAqparat - Jýyrda Túrkistan qalasynda meıramhana bıznesi, servıstik qyzmet, bilim berý ortalyqtary, bólshek saýda jáne franshızalar salasyndaǵy mamandary bir alańǵa jınaldy, dep habarlaıdy QazAqparat.

Jıynda Túrkistan oblysy ákiminiń orynbasary Ermek Kenjehanuly qalanyń ósip kele jatqan halqy, oblysqa týrıstik aǵyn jáne salyqtar boıynsha tartymdy jasalǵan jaǵdaı óńir naryǵyn franchaızerler úshin tartymdy etetinin atap ótti.

«Túrkistan Qazaqstandaǵy bolashaqtaǵy TOP-10 týrıstik aýmaqtyń qataryna kiredi. Túrkistan oblysyndaǵy týrızmge ınvestıtsııa kólemi sońǵy 3 jylda (2020-2022 jj.) 281,8 mlrd teńgeni qurady. Túrkistanda halyqaralyq áýejaı jumys isteıdi – bul Qazaqstandaǵy sońǵy 30 jylda irgesi jańadan salynǵan alǵashqy áýejaı. Sondaı-aq qala halqynyń 2018 jylǵy 165 myń turǵynnan 2022 jyly 218 myń turǵynǵa deıin ósýi baıqalady. Osy faktorlardyń barlyǵy kásipkerlerdiń óńirdiń tartymdylyǵyn baǵalaýy úshin mańyzdy dep sanaımyz», – dedi Ermek Kenjehanuly.

Eýrazııalyq franchaızıng qaýymdastyǵynyń prezıdenti Beknur Kısıkov Túrkistandaǵy franshıza naryǵyn damytý týraly óz kózqarasymen bólisti.

«Túrkistan – týrıstik destınatsııa bolǵandyqtan, munda oqıǵalyq franchaızıng: festıvaldar, sımpozıýmdar, bilim berý is-sharalary, sporttyq jarystar jaqsy damıdy. Jalpy trendterdi eskerý qajet, mysaly, farmatsevtıkalyq franshızalar tabysy jáne olardyń sońǵy jyldardaǵy birneshe ret ósýi. Sonymen qatar Túrkistanda shaǵyn áleýmettik franshızalar naryqty jandandyra alady», – dep atap ótti Beknur Kısıkov.

Іs-sharaǵa Túrkistan oblysynyń kásipkerlerin, sondaı-aq Astana, Almaty, Almaty oblystarynan jáne basqa óńirlerden kelgen qonaqtardy, barlyǵy 150-ge jýyq ókil qatysty.