Týrızm salasynyń mamany Oljas Shyntaev TMD syılyǵyn aldy
Atap aıtqanda, bul halyqaralyq júlde 2008 jyly Gýmanıtarlyq yntymaqtastyq keńesi jáne Táýelsiz memleketter dostastyǵy Memleketaralyq gýmanıtarlyq yntymaqtastyq qorymen bekitilgen bolatyn.
2015 jyly syılyqqa týrızm salasynyń mamandary úmitker boldy. Osy oraıda Qazaqstan, Ázerbaıjan, Armenııa, Belarýs, Qyrǵyzstan, Reseı, Tájikstan, ókilderi baıqaý laýreattary atandy.
Qazaqstan tarapynan Miras Travel týrıstik kompanııasynyń dırektory, Ońtústik Qazaqstan oblysynyń týrızmdi damytý ortalyǵynyń jetekshisi Oljas Shyntaev «Debıýtter dostastyǵy -2015» syılyǵynyń laýreaty atandy. Ol buǵan deıin «Qazaqstan týrıstik salasynyń úzdigi» ataǵymen marapattalǵan bolatyn.
Aıta keteıik, jyl saıyn «Debıýtter dostastyǵy» syılyǵyn gýmanıtarlyq baǵyttar boıynsha quryltaıshylar anyqtaıdy jáne ol jas mamandarǵa (35 jasqa deıin) tabystalady. 2008 jyldan beri syılyq aqyndarǵa, muǵalimder men ǵalymdarǵa, dárigerlerge, tarıhı-mádenı eskertkishterdi qorǵaý boıynsha mamandarǵa, sportshylar men bapkerlerge berilgen.