Týrızm salasy qalaı damıdy – mınıstrlik 6 jyldyq josparyn bólisti

ASTANA. QazAqparat – Mádenıet jáne sport mınıstrligi Týrıstik salany damytýdyń 2023-2029 jyldarǵa arnalǵan tujyrymdamasyn kópshilik talqylaýyna shyǵardy, dep habarlaıdy QazAqparat tilshisi.

«Ashyq» NQA portalynda jarııalanǵan tujyrymdamada qazirgi týrızmniń jaǵdaıyna qatysty taldaý jasalǵan. Onda atalǵan salany damytýǵa qolbaılaý bolyp otyrǵan negizgi problemalar kórsetilgen. Mádenıet jáne sport mınıstrliginiń dereginshe, jarııalanǵan josparǵa sáıkes, 2029 jylǵa deıin týrızmdi ilgeriletý úshin keshendi sharalar qolǵa alynady.

Tujyrymdamany iske asyrý aıasynda aldaǵy 6 jylda myna nátıjelerge qol jetkizý kútilýde:

- týrızm salasyndaǵy jalpy qosylǵan qun (JQQ) kóleminiń 6,3 trln teńgege deıin ósýi;

- týrızm salasynda jumyspen qamtýdy 800 myń adamǵa deıin ulǵaıtý;

- turý jáne tamaqtaný qyzmetine baǵyttalatyn ınvestıtsııany 260 mlrd teńgege deıin ósirý;

- ishki týrıster sanyn 11 mln adamǵa deıin ulǵaıtý;

- syrttan kelýshi týrıster sanyn 4 mln adamǵa deıin ulǵaıtý;

- saparlar jiktemesi boıynsha qyzmetter eksportyn 5,5 mlrd dollarǵa deıin ulǵaıtý;

- qonaq úılerdi «eQonaq» aqparattyq júıesimen qamtýdy 100%-ǵa deıin ulǵaıtý;

- saıahat jáne týrızmdi damytýdyń jahandyq ındeksi boıynsha DEF reıtınginde 50 orynǵa kóterilý.

Bul jumystardy atqarý úshin memlekettik bıýdjet qarajaty esebinen qardy bólinedi.

Qujatty ashyq talqylaý 3 naýryzǵa deıin jalǵasady.