Týrızm: Qazaqstandyqtar eń kóp baryp demalatyn elder anyqtaldy

ASTANA. QazAqparat - Ázerbaıjan qazaqstandyq týrıster úshin jaz mezgilinde demalýǵa laıyq tanymal elderdiń biri bolyp otyr, dep jazady AZERTADJ.

Qazaqstannyń týrıstik agenttikteri qaýymdastyǵynyń dırektory Elnara Etımovanyń aıtýynsha, Qazaqstanda ishki týrızmge degen suranys artyp keledi, al el týrısteri úshin halyqaralyq turǵyda asa tanymal jazǵy baǵyttarǵa qazirgi kezde Bolgarııa, Túrkııa, Qytaı, Koreıa, Grýzııa, Ázerbaıjan, Grekııa, Horvatııa men Eýropa memleketteri enip otyr.

Sondaı-aq qazaqstandyqtardyń qysta demalýdy jany súıetin elderiniń qatarynda Haınan, Taıland, Goa, BAÁ, Mysyr, Shrı-Lanka, Malaızııa, Vetnam men Balı araldary bar.