Týrızm: Qazaqstanda 9 489 týragent qyzmet kórsetedi

<p>ASTANA. KAZINFORM &ndash; Elimizdegi memlekettik elektrondy reestrdiń deregine sáıkes &laquo;E-lıtsenzııalaý&raquo; portalynda 9 489 týragent pen 558 týroperator tirkelgen.</p>

Senimdi týrıstik agenttikti qalaı tańdaýǵa bolady?

QR TSM Týrızm ındýstrııasy komıtetiniń jáne jergilikti atqarýshy organdardyń ınternet-resýrstarynda týroperatorlardyń, týragentterdiń, gıdterdiń, ekskýrsovodtardyń jáne týrızm nusqaýshylarynyń reestri ornalastyrylǵan.

Saıahatshy týrıstik kompanııalarǵa júgingen kezde týragenttiń qyzmeti týraly habarlamany jáne týroperatordyń lıtsenzııasy bar-joǵyn teksere otyryp, barlyq qajetti qujatty talap etýge quqyly.

Týrıstik kodtyń bolýyna nazar aýdarǵan jón  

Týrkod – árbir týrıstke kepildik retinde týroperator beretin biregeı nómir. Ol týroperator óz mindetterin oryndaý múmkin bolmaǵan nemese oryndamaǵan jaǵdaıda týrıstti elge qaıtarýdy qamtamasyz etý maqsatynda beriledi. Týrıstik ónimdi satý kezinde týroperator alǵan qarajatty paıdalana otyryp, týrlardyń elektrondy reestri avtomatty túrde týrıstik kodty beredi.

Áýe ashyqtyǵy:

Halyqaralyq áýe qatynasy 121 baǵyt boıynsha 28 elge oryndalady.

Týrıstik fırmalardyń qyzmetin baqylaý:

Týrızm ındýstrııasy komıteti týragentterdiń, týroperatorlardyń, gıdterdiń, ekskýrsovodtardyń jáne týrızm nusqaýshylarynyń memlekettik elektrondy reestrin júrgizedi. Bul olardyń qyzmetin turaqty baqylaýǵa jáne barlyq normatıvtik talapty saqtaýǵa jol ashady.

Eske sala keteıik, buǵan deıin týrızm salasyndaǵy negizgi kapıtalǵa qosylǵan ınvestıtsııa kólemi eki ese artqanyn jazǵan bolatynbyz.